墨西哥發現最大型瑪雅文明遺跡已有3千年歷史

507

現今科技發達，日新月異嘅技術對於考古學其實都有非常大幫助。日前科學家利用空中感測技術，成功於墨西哥東部一處，發現至今為止最大嘅瑪雅古遺跡。

遺跡有一個大型平台，長約1,400公尺、闊400公尺，高約10至15公尺，據專家估計，呢個平台可能於當時用作祭祀之用，約為公元前1,000至800年建造，至今有3千年歷史。除咗面積大之外，與之前發掘出土嘅瑪雅遺跡最大唔同地方有兩處，包括係建築用嘅係泥土而非石頭，第二就係整個遺跡之中無任何代表統治者嘅雕像，專家估計該時期嘅瑪雅文明仍未有好重嘅階級觀念，所以未有帝王及皇室階級。大平台更與9條去水渠及一個大儲水池相連，相信當年曾經係一個民居聚集生活嘅地方呢。