fbpx
美食

荃灣唯美粉紅文青 Café IGable 花漾夢幻特色 Brunch!

全港No.1醫學美容集團,全港唯一,明碼實價BTL眼袋槍

一日之計在於晨」,想要展開輕鬆悠閒嘅一日,首先要由一個完美早晨開始。起身約埋好姊妹食個優雅嘅 Brunch,一齊以靚靚心情展開完美嘅一日。

步入充滿文化藝術氣息嘅荃灣文青集中地 — 南豐紗廠,內有唔少特色食店,而今次我哋就嚟到一間以花作為主題嘅唯美純白 Café,品嚐少女心爆棚嘅特色花花 Brunch,伴碟嘅花全部都可以食用,而且仲有美容功效,相當治癒。食完仲可以喺紗廠內販賣設計品嘅特色小店,一齊選購心愛精品,心情大滿足。

1

Fleur Lover (忌廉/鬆餅/新鮮雜莓生果/有機楓樹糖漿/食用花)

餐廳必點食物之一,賣相非常之咁少女心。 鬆餅上有唔同新鮮雜莓:士多啤梨、紅桑子、車厘子、無花果、黃桃、藍莓和石榴粒,仲有食用花陪襯,不但色彩鮮豔,而且營養豐富,視覺味覺大滿足。用藍莓做餅底嘅水果鬆餅,甜而不漏,健康又美味!

2

Croissiant Lover (軟殼蟹/牛角包/太陽蛋/自家制酸青瓜/是拉差沙律醬/食用花)

一上檯就令人感覺活力充沛,Croissiant Lover 以外層鬆脆嘅牛角包,夾住大大隻原隻軟殼蟹,配搭精神奕奕嘅太陽蛋,好睇又醒神,爲你展開朝氣勃勃嘅早晨。

3

Meat Lover (鹿兒島豬扒/竹炭麵包/自家製醃紅椰菜/青蘋果野菜沙律/是拉差沙律醬/食用花)

黑色竹炭包內層夾著紅菜頭碎同埋鹿兒島豬扒,黑、紅、橙三色配搭,十分吸睛。三文治大大份,相當抵食。豬扒酥脆鬆軟,入口肉汁鮮嫩,但又一啲都唔漏。配上少許泰式是拉差沙律醬,口感微辣,十分過癮。

4

Velvet Latte

夢幻粉紅色 Latte ,中間仲有心型拉花,令人一望瞬間即感到幸福,相當治癒。Latte 味道頗甜,有啲似士多啤梨奶,專爲少女心而調配,IGable 打卡一流。

5

Lychee & Rose

呢款荔枝玫瑰冰茶玻璃樽上,相當於平時餐廳嘅兩杯份量。甜中帶點微酸,健康又開胃,入口感覺清新,用嚟配搭 brunch,展開清新一日,就最適合不過喇。

6

南豐紗廠係香港絕少有俾寵物狗進入嘅商場,唔少狗主會帶埋狗仔入嚟影相打卡。而呢間餐廳都好歡迎狗仔,仲提供埋狗狗套餐 Puppy Lover,食物包括香蕉蛋糕、甘筍同埋雞胸肉,並且會整成得意造型,對寵物都咁有愛,非常貼心。

Fleur Hong Kong


地址:白田壩街45號南豐紗廠地下G08號舖

來源:港SYLE

HAiRLESS 激光脫毛3選1優惠 HAiRLESS 激光脫毛3選1優惠
全港No.1醫學美容集團,全港唯一,明碼實價BTL眼袋槍

相關文章

Back to top button