尖沙咀cafe：【人氣爆登激萌LULU豬Cafe登陸尖沙咀！1.7米高巨型LULU豬店員坐鎮＋超得意LULU豬甜品】- COHERE X 罐頭豬LULU 期間限定CAFÉ
超可愛又肥嘟嘟嘅午餐肉罐頭豬LuLu人氣爆登，大受歡迎！最近以午餐肉罐頭豬LuLu為主題嘅Cafe「Cohere X Lulu the piggy Café」更加登陸咗尖沙咀美麗華廣場！ cafe門口就已經有高達1.7米高巨型LULU豬店員擺出可愛pose歡迎你！店內亦設有多個打卡位，畀一眾LuLu fans 盡情打卡！除了大型主題裝置之外，Cohere 推出多款 Lulu 造型甜品， 包括Lulu豬奶凍布丁、芝士蛋糕、Macarons等，造型非常可愛，粉絲一定唔可以錯過！另外，為咗滿足一眾粉絲，Lulu終於推出多款限家同獨家嘅週邊精品，一定要帶哂佢哋返屋企收藏！
▲ 「Cohere X Lulu the piggy Café」登陸咗尖沙咀美麗華廣場！
▲ 1.7米高巨型LULU豬店員喺門口歡迎你！
▲ 牆上以三幅LULU名畫為裝飾，畫中仲有小遊戲可以玩！更首次公開設計師Cici手製LULU羊毛氈公仔同埋由設計師本人親自拍攝嘅攝影作品！
▲ 多款超萌LULU造型甜品，包括蛋白餅、芝士蛋糕、朱古力批同網紅爆漿草莓蛋糕等等！
▲ Lulu推出多款限家同獨家嘅週邊精品， 除咗必備嘅實用文具、仲有可愛萌呆LULU造型襟章同埋趣怪行季箱貼紙等等，LULU粉絲一定要收藏！
▲ 喺Cohere購買食品或飲品滿HK$300﹐憑即日收據可參加抽選全球首批Cohere 限定版Cafe LULU Figure！
COHERE X 罐頭豬LULU 期間限定CAFÉ
地址：香港九龍尖沙咀彌敦道 118-130 Shop B131
日期： 2020年7月至9月
The post 尖沙咀cafe：【人氣爆登激萌LULU豬Cafe登陸尖沙咀！1.7米高巨型LULU豬店員坐鎮＋超得意LULU豬甜品】- COHERE X 罐頭豬LULU 期間限定CAFÉ appeared first on 香港人遊香港.
來源:香港新浪網
