美食
【紅磡美食】紅磡新漢堡包店 車仔麵式自選配料 +$98原隻龍蝦burger
自己漢堡 自己砌
來到小店,見到餐牌,已經發現亮點:由麵包(bun)開始,至扒(patty),配料,醬汁,每項都有4至5個選擇。反而找不到預先設定的款式。店主Joe做過fine dining高級餐廳也做過小店,擅長西餐。他解釋,想到以「車仔麵式」來配搭漢堡包,部份來自個人經驗:「出街食漢堡包經常都食唔到自己的心水配搭,有朋友唔鐘意洋蔥,有人鐘意double蕃茄,有人唔要醬,有人甚至想揀包,其實漢堡包係好個人口味。」
做一個 適合外賣的漢堡包
自由揀,看似無章法,其實內有科學。因為小店不設堂食,只做外賣。「唔係即食,漢堡包預咗要放一陣,所以我哋會盡量避免多餘的水份,以免影響包身。」例如醬汁,共6款,都是以油性為基調的醬汁如蛋黃醬、他他醬、照燒汁,太多水份的醬汁如茄汁就不適合。蔬菜,他們不用最普遍的生菜,換上椰菜絲,更可以吸收包中配料的水份。肉扒,用美國安格斯牛的牛肩胛部位,取其肥瘦適中,牛味重,只以鹽及胡椒調味。
日限30個 原隻龍蝦漢堡包
不過最搶手的,一定是開張的限定款式「龍蝦安格斯漢堡」,每日3-4pm就沽清。用上原條波士頓龍蝦,去頭去尾,先慢煮再煎香,Joe解說「龍蝦會以低於65度慢煮,因為一超過這溫度,肉質就開始韌。」再配上松露醬,車打芝士及椰菜,$98有交易,好抵食!Joe也預先透露,下一期將會是「煙燻香腸配威士忌松露醬漢堡包」,售價一樣百元樓下,期待!
全新訂座平台「Yahoo訂餐廳×Openrice」正式上線!
Nomad Burger
地址:紅磡德民街29號德民大廈地下F3號舖(地圖按此)
電話:6097 2623
文章來源:香港雅虎