【大坑美食】大坑老牌港式串燒店 汁燒脆皮白鱔/生燒東風螺

疫情下，香港的餐飲業飽受衝擊，不少餐廳都面臨停業或結業的命運。在大坑，就有一間開業近十年的串燒店依然咬實牙關撐著。就算餐廳晚市曾經零收入也好，老闆之一的柏衡為了家人和朋友，亦決定絕不放棄餐廳。

浪子為家庭而落地生根

這間串燒店在2010年開業，是大坑最早期開設的串燒店之一，見盡大坑的高峰與低谷。老闆之一的柏衡原來曾經是一名「貪玩人士」，踢足球丶踏滑板丶吃喝玩樂無一不精，但是玩樂多年後，為了讓女朋友可以安心下來，決意和表哥與朋友共同在大坑設立串燒店，終於為了家庭而選擇落地生根。

問到為何會選擇開串燒店，柏衡坦白道：「當初以為串燒好簡單易上手，就咁切開材料串起再燒就搞掂，所以就開咗呢間串燒店。點知原來串燒有好多講究嘅地方，例如牛肉要去筋，每樣海鮮都有不同的技巧去腥。一邊做一邊學，加上有朋友做開日本生意，教我哋點樣去製作唔同嘅醬汁同埋串燒技巧。所以呢十年來都係不斷改善我哋嘅食物，先可以儲落一班熟客」。由十年前一名只懂玩樂的青年轉變成一名用心工作兼以客為先的廚師，用十年時間來驗證著他的用心與努力。

串燒如何做外賣？

疫情期間不少餐廳都轉型以外賣為主，但串燒店講究新鮮丶熱辣和香口，所以外賣訂單的確不多。但是柏衡和表哥Mike卻堅持每晚開業，可能只是做到三至四宗訂單甚至零生意，但依然不休息。

「餐廳生意跌咗近八成，但我哋有員工要養，加上我有家庭同小朋友，就算無生意都要開店，否則真係100%零收入。而且大坑我哋都有少許熟客，都想佢哋光顧時可以開門等佢哋，唔想令任何客人失望而回。當然，客人既然呢個時候都支持我哋，我哋都要盡力保持質素，例如外賣都要計翻路程同埋會係外賣盒中焗幾耐先食得，從而喺燒嘅過程中有所調整」。

小編當日試過多款串燒，當中以汁燒脆皮白鱔及秘制叉燒串最為驚人，前者燒得皮脆而肉質嫩滑，且帶有魚油的油香；後者則肉質軟腍而醃得夠入味，加上叉燒燒得表面有少許焦香，相當惹味。另外鹽燒東風螺更是下酒必選的菜式之一，一口啤酒配上一口東風螺，相當舒服。而餐廳為了鼓勵食客，在外賣平台下單時會提供折扣，務求令客人可以用較低的價錢都品嚐到餐廳質素的串燒。

雖然餐廳尚有少許熟客支持，但老闆坦白指生意已經跌了八成，如果政府不放寬限聚令或晚市的限制，餐廳實在難以支撐下去。的確，平日大坑區的晚市主要以家庭顧客為主，而午市時亦難以有人選擇光顧串燒店。如果政府不放寬對食肆的限制，大部份的餐廳真的難以再捱下去。

巴別橋

地址：大坑安庶庇街16號地下（地圖按此）

營業時間：6:00pm-12:00am

文章來源:YAHOO.HK